Ilocano language, culture, literature

Wednesday, February 04, 2009

Bannawag: Internet Edition


Segun ti naawatmi nga email a naggapu ken ni Cles B. Rambaud, Associate Editor ti Bannawag, idi Enero 30, 2009, dandanin mairugi a maipablaac ti Internet Edition ti Bannawag.

"Dandanin agmata daydi arapaapmo nga adda koma met website ti Bannawag," insurat ni Editor Rambaud. "Uray dagiti kakabsat a magasin ti Bannawag, addanto metten websiteda. Inaprobaranen ti MB Management daytoy a kiddaw."

Nadacamat mi dayta nga "arapaap" iti blog entry ditoy a napauluan iti "Bannawag Website--An Open Letter" a naipaskin idi Feb. 22, 2007 nga isu ti nangisingasingan mi a mangipasdec ti Bannawag iti bucodna a website (Internet Edition).

Iti panangipagarupmi, dackel nga addang daytoy a decision ti Manila Bulletin management, akincucua iti Bannawag, a mangpapigsa iti tignay a panangparang-ay ken ti panangtaginayon iti pagsasao nga Ilocano, agraman ti cannawidan ken Literatura Ilocana.

Padaanantay ngarud ti Internet Edition ti Bannawag!

1 Comments:

  • At Wednesday, February 04, 2009 3:21:00 AM, Blogger Joe Padre said…

    Iti "Open Leter" mi a nadacamat iti ngato, insingasing mi a napintas coma no mairaman iti Internet Edition ti Bannawag ti archive dagiti napalpalabas nga issues, cas pagarigan mangrugi iti Nob. 3, 1934 issue (umuna a bilang). Ala, addanto ngata met gundaway a makedngan ti panangtaripato iti castoy a sarusar (archive) tapno iti casta, nabacnang to met ti pagsukisocan dagiti aggagar a mangusisa no casano a parang-ayen ti Literatura Ilocana.

     

Post a Comment

Links to this post:

Create a Link

<< Home